كل سنة وانتوا جميعا بخير
مع بداية سنة جديدة كتير مننا بيسمع مع ناس حواليه يريت تكون احسن من
السنة اللي فاتت ! يريت اقدر "انــــــا" نفسي اكون احسن واقدر اتغير ..
.يريت مع بداية السنة ابدء بداية جديدة !
هو ده بقا موضوعنا لاول يوم ف السنة :)
==========
بداية جديدة
==========
بصوا عشان نبدء بداية جديدة لازم نقف علي اللي فات نتأملوا وناخد منه
العظة والعبرة .. نطلع منه بحكمة تفيدنا ف حياتنا الجديدة .. بلاش نقف عنده
نبكي ونقول صعب نتنقل لحياة تانية عشان كل اللي كنا نملكه راح مع اللي فات
!! مين قال كده اللي فات عدي اه بس مش بيموت بيسبلنا خبرة نبني عليها
الحياة الجديدة ..يريت نفكر كده ف كل موقف وحش هيعدي خليك متأكد انه مسيره
يمر :)
=======================
# يبقا دي رقم 1 اننا نتأمل اللي فات#
=======================
...النقطة التانية انوا يريت نبعد بقدر الامكان عن التقليد الاعمي سواء
للكلام او للافعال انك ببتع منهج فكري لان ف ناس كتير بتحب تسمع ده او
معجبة بالتفكير ده !! بس انت من جواك ممكن تكون اصلا مخالف للفكر او الفعل
ده وفكرة انك ماشي مع التيار مريحاااك من وجع الدماغ اللي هيجيلك من
الاختلاف رغم ان كل حاجة عظيمة بدئت بالاختلاف ده !
طبعا انت كفرد عندك قناعاتك الخاصة اللي ممكن تكون مخبيها لخوفك من بعض الاشخاص انهم يطعنوا فيها .. سلبية كانت او ايجابية
القناعات السلبية ممكن تشتغل عليها انك تعرف ايه الصح مش ايه السائد ..الرأج
اما القناعات الايجابية انت هتعمل علي تطويرها وتصلحها بمعلومات تدعم هذا القناعات عشان تقدر تطورك انت ...
============================
#يبقا رقم 2 بلاش التقليد الاعمي كن نفسك #
============================
طيب نجي للنقطة التالتة ...عشان تقدر توصل لاعلي امكانية جواك لازم تعرف نفسك ..
لازم تعرف امكانياتك وقدراتك عشان تقدر تستغلها صح..خلينا متفقين انه مفيش
حد علي وجه الارض معندوش قدرات ولا مميزات انت النسخة الوحيدة الموجودة
علي الارض من نفسك ! مفيش حد شبهك مفيش حد عنده نفس قدراتك وف علم النفس كل
انسان عنده خصائص ولكن بتختلف ف الدرجة مش ف النوع !! يعني كلنا عنده ذكاء
لكن بتختلف درجة الذكاء من انسان لاخر ...وابداع والقدرة علي حل المشكلات
كل الصفات دي جواااااك واكتر بكتير جدااااااا
يبقا انت لو عرفت
امكانيتك وبدئت تستغلها صح من هنا ومن هنا بس تبقا حطيت رجلك علي اول
الطريق مش كفايا ابدا تعرف انك ذكي وتكتفي بمجرد المعرفة ... لازم تنمي
زكائك بالعمل والقراية ..وحاجات تانية كتير ..خليني ااكد علي انه مفيش حد
صفر ! كلنا لنا قيمة مميزة ف هذا العاالم ولو امنت بقيمتك وبدئت بااستغلاله
هتقدر تحقق النجاح
اختار الصحاب اللي يساعدوك علي ده ..اقرا الكتب
اللي تنمي جواك ده لو مكنتش من هواة القراية ابتدي درب نفسك باانك تقرا
حاجات بسيطة شوف افلام وثائقية بتتكلم عن الشيء اللي ان مهتم بيه ..ما اكتر
الوسائل بس انت اختار
=========================
#رقم 3 اعرف نفسك ..اعرف امكانياتك ..#
=========================
نيجي للنقطة الرابعة ..#العقابات # اللي بتقابلنا لما نحب نغير حاجة جوانا ..
1- النظرة المتدنية للذات ..
2-ماذا استطيع ان اقدم
3- هل ما اقوم به له فائدة ...
دي من اكتر الاسئلة اللي بتقابلنا ...النظرة المتدنية للذات واتكلمنا عنها
ف النقظة اللي فاتت انك مختلف وعندك مهارة زي بصمة الايد مش موجودة عند
حد غيرك محتاج تعرفها ..تطورها تأكد عليها بس مش اكتر بالاضافة ان اي عمل
مهم مهما بلغ صغره وتفاهته من وجهة نظرك !
بالنسبة للتقدر تقدم ايه
...مااكثر ما تستطيع تقديمة اهمهم علي الاطلاق اتقن العمل اللي بتقوم بيه
اي كان -طالما خير- لو بتشتغل مدرس ابدء بجد درس صح ..اشرح للاطفال زي ما
تتمني اطفالك يتعلموا ف المسقبل لو دكتور راعي ربنا ف المريض اللي قدامك
وكون صريح معاه ..بلاش تكتبله الدوا ابو**** جنيه طالما موجود بدائل فعالة
ارخص ..! يمكن المريض لا يملك تمن هذا الدواء ..ااتقان العمل شيء مهم جدا
وبداية اساس جيد لكل شيء ..لو كنت مدرب تنمية بلاش تبخل علي المتدربين
بمعلومات تعرفها عشان يجولك كورسات تانية ! مهو لو استفادوا منك بجد
هيبعتوا ناس تانية تستفاد اكتر !! دي حقيقة علي فكرة.. يبقا تقدر تعمل تتقي
ربنا ف اللي بتعمله وتعمله صح وتعمله كويس ....
النقطة الاخيرة هنا
هل ما اقوم به له فائدة .....ايـــــــــــــــــــــــوة له فايدة عظيمة
طالما قمت بيه صح لو بتعمله غلط ارجع اقرا النقطة اللي فاتت مرة تانية
..حاسب نفسك علي اللي بتعمله ..وزي ما قلنا انك تعمل حاجة كويسة هتعود
بالنفع علي الافراد والمجتمع وعليك انت شخصيا :) شفت ازاي ان كل حاجة مهما
كانت صغيرة ليها اهمية كبيرة ..وصغيرة وكبيرة دي مجرد تصنيفات قام بيها
البشر عشان يرضوا غرورهم مش اكتر !! عارفين القصة بتاعت الزوجة اللي كل يوم
ترتب الشقة وتهتم بنضافة اولادها وبيتها وتجهز اكل ولما زوجها يعود من
العمل يقولها ديما انتي مش بتعملي اي حاجة ..مجرد انك قاعدة ف البيت وانا
اللي بتشغل وبتعب !!
@_@ قررت الزوجة ف يوم انها متعملش اي حااااجة
رجع الزوج من شغله لقا الشقة طبعا حدث ولا حرج مفيش حاجة ف مكانها والاولاد
بلبس النوم ومنكوشين ومتبدهلين ..واكل الصبح زي ما هو محدش شاله !! جري
علي الاوضة بتاعت زوجته ف حالة فزع لقاه قاعدة ف حالة استرخاء تام !!
وبتقرا كتاب :-O مكنش منه غير انه سئلها في ايه !!؟ ردت طبعا انت بتقولي
اني مش بعمل حاجة ...قالها ايوة ..قالتاله فعلا صحيت النهاردة معملتش اللي
بعمله كل يوم !!
عندها فقط ادرك الزوج اهمية دور زوجته اللي كان متخيل
انه تافه ولاشيء قيس علي كده كل ادورنا ف الحياة دور البنت مع امها دور
الشاب مع والده دور العاملين في شتي شئون وجوانب الحياة كل حد
دوووووووووووره مهم مهما صغر .......
===========================================
متقللش من قيمة نفسك ! ولا دورك كل اللي بتعمله مهم ده اكيد
==========================================
فخليني اللخص ما تم ذكره هنا ..
1- استفيد من ماضيك عشان تعمل حاضر احسن
2-خليك فايق ومتيقظ ديما للقناعات الخاطئة
3- كن نفسك ..اعرف امكانياتك
4- بلاش التقليد الاعمي
5- ديما طور نفسك اقر شوف فيلم مفيد ..
6-اختار الرفقة اللي تساعدك علي النجاح
7- خليك مؤمن بالنجاح ..
8- كن واثق بقدراتك ..
9-اهمية ما تقوم به مهما كان صغيرا
10- اتقان العمل ....
11- واجه مشاكلك وانت كلك ثقة انها سهل تتحل مهما بلغ تعقيدها :)
12-قرر من دلوقت انك هتحاول تبدء بداية جديدة
13- عشان سنة 2013 خد قرار انت كنت مأجله من فترة ..احسم امرك وابدء حياة جديدة ببداية سنة جديدة
==============================================
*الموضوع كامل بقلمي وخاص جدااااا بصفحة ومدونة مفتاح حياتك
=====================================
علا نشأت
ليست هناك تعليقات:
اضافة تعليق